ගුවන් ගමනක් යනු බොහෝ දෙනෙකුට සුවිශේෂී අත්දැකීමක් වන අතර, මෑතකදී සමාජ මාධ්ය ඔස්සේ සංසරණය වන වීඩියෝවක් බොහෝ දෙනාගේ හදවත් කම්පනය කිරීමට සමත් වී තිබේ. අශ්වන්ත් පුෂ්ප (Ashwath Pushpa) නම් ගුවන් නියමුවා විසින් ඉන්ස්ටග්රෑම් (Instagram) ඔස්සේ හුවමාරු කරගෙන ඇති මෙම වීඩියෝවේ දැක්වෙන්නේ, තම පුතු විසින් පදවන ගුවන් යානයක මව පළමු වරට ගමන් ගන්නා අවස්ථාවයි.
වීඩියෝවේ ආරම්භයේදීම ගුවන් නියමුවා තම මවව ඉතා ආදරයෙන් වැළඳගෙන පිළිගන්නා ආකාරයත්, ඉන් අනතුරුව මගීන් අමතමින් සංවේදී නිවේදනයක් සිදු කරන ආකාරයත් දැකගත හැකිය. තමා මෙම ගුවන් ගමන සඳහා කොතරම් උද්යෝගයෙන් පසුවන්නේ දැයි ඔහු එහිදී විස්තර කර ඇත.
“අද ගුවන් යානයේ මා සමඟ ඉතා විශේෂ අමුත්තෙක් සිටිනවා. සාමාන්යයෙන් මම ඇයව කැඳවාගෙන යන්නේ සිල්ලර බඩු සාප්පුවට හෝ රූපලාවණ්යාගාරයට වුවත්, අද පළමු වතාවට මම ඇයව වෙනත් රටකට රැගෙන යනවා. ඒ විශේෂ පුද්ගලයා මගේ ආදරණීය මවයි,” යනුවෙන් ගුවන් නියමුවා ඉතා හැඟීම්බරව ප්රකාශ කර තිබේ.
මෙම නිවේදනයත් සමඟම ගුවන් යානයේ සිටි සෙසු මගීන් ද අත්පොළසන් නාද දෙමින් නියමුවාගේ මවට උණුසුම් පිළිගැනීමක් ලබා දුන් අතර, මව නියමු කුටිය තුළ (Cockpit) සිටින ඡායාරූප කිහිපයක් ද වීඩියෝවට ඇතුළත් කර ඇත. “ගුවන් යානයේ සිටින සුවිශේෂී මගියා සමඟ ගුවන් ගත වීමට අවසර ලැබුණා. අම්මේ, ඔබට ගුවන් යානයට සාදරයෙන් ඇරයුම් කරනවා,” යනුවෙන් සටහනක් තබමින් ඔහු මෙම වීඩියෝව අන්තර්ජාලයට මුදා හැර ඇති අතර එය මේ වන විට ලොව පුරා බොහෝ දෙනාගේ ආදරය දිනා ගැනීමට සමත් වී ඇත.
සිදුවීමට අදාළ වීඩියෝව මෙතැනින් click here
